ARTI
POST-MODERN
Diptiku Marilyn (1962), Andy Warhol
Një emblemë e Artit të Hershëm Post-Modern
Vepra “Diptiku Marilyn” e vitit 1962 është një serigrafi
nga artisti i Artit Pop, Andy Warhol. Diptiku përbëhet nga një panel i majtë
dhe një i djathtë, i cili tregon një anë me ngjyra dhe një anë në bardh e zi të
portretit të artistes Marilyn Monroe. Portreti i Marilyn Monroe është një
fotografi nga shtypi nga vitet 1950.
Kjo vepër mund të përshkruhet si art post-modern për disa
arsye. Andy Warhol luan këtu me një estetikë, e cila është tipike për
industrinë e reklamave dhe që u bë tipike edhe për artin e vetë Warhol-it gjithashtu.
Vepra e artit dhe teknika e Warhol-it na kujton gjithashtu aktivitetin e
gazetave të shtypura. Duke përdorur të gjitha këto në diptikun e tij, artisti sfidoi
formën klasike të përfaqësimit që njihej nga arti modern.
Për më tepër, përsëritja e portretit brenda diptikut mund
të lexohet si një koment ironik mbi rritjen e prodhimit në masë si edhe mbi
orgjinalitetin në art. Shpesh Andy Warhol ka vënë në pikëpyetje idenë
tradicionale të artit të lartë në printimet dhe pikturat e tij. Veprat e tij të
artit mund të shihen si një përgjigje lozonjare ndaj kësaj pyetje.
Burimi: https://www.thecollector.com/postmodern-art/
Përzgjodhi dhe përktheu Enkeleda Suti.
