O Fat,
Ashtu si hëna
Edhe ti je i ndryshueshëm,
Gjithnjë në zbehje,
Gjithnjë në venitje,
Jetë e urryeshme
Në fillim të shtyp
Dhe pastaj të zbut
Gjithë teka;
Varfëria
Dhe pushteti
I shkrin ato si akullin
Fati – i përbindshëm
Dhe i zbrazët,
Ti si një rrotë që rrotullohesh,
Ti je keqdashës, i lig
Mendjemadhësia është e kotë,
Dhe gjithmonë zhduket në asgjë,
I hijëzuar
Dhe i maskuar
Ti më plagos edhe mua;
Tani nëpërmjet lojës
Unë ia ofroj kurrizin tim të zbuluar
Poshtërsisë tënde
Fati është kundra meje
Në shëndet
Në virtyt,
Shtytës
Shtypës
Përkulës ,
Gjithmonë të skllavëruar.
Kështu, në këtë orë
Pa asnjë vonesë
Këputi fijet që vibrojnë
Duke qene se, Fati
Godet njeriun e fortë,
Vajtoni me mua të gjithë!
Përzgjodhi dhe përktheu nga anglishtja – Enkeleda Suti.