Për shkak të faktit se, historia siç e njohim ne atë sot është shkruar dhe shpesh dominuar nga burrat, ne shpesh dimë shumë pak rreth këtyre zonjave në portrete të tilla, apo se gratë, nënat apo vajzat e kujt kanë qenë ato. Prania e tyre justifikohet nga ekzistenca e një burri në të shkuarën, i cili ka formësuar dhe ka qenë me influencë në kohët kur ka jetuar. – Ewa Juszkiewicz
Nëpërmjet pikturës së saj, Ewa Juszkiewicz (lindur në vitin 1984, në Poloni) sfidon traditat pamore dhe përball perceptimet stereotipike të bukurisë së grave në pikturën klasike evropiane. Duke dekonstruktuar dhe ri-interpretuar subjektin femëror në veprat historike të artit, Juszkiewicz minon karakterin e tyre konstant, të padiskutueshëm. Një nga piktoret polake bashkëkohore më të vlerësuara sot, Juszkiewicz sfidon percpetimin e shikuesit duke eksperimentuar me formën e figurës dhe të fytyrës femërore, duke ekuilibruar elementët njerëzor dhe jo njerëzorë brenda veprës së saj për të treguar një stil që është njëherësh klasik në teknikë, e megjithatë subversiv dhe rebel në përmbajtje.
Piktura, Pa titull, 2017, Ewa Juszkiewicz